उपरोक्त संदर्भिय विषयान्वये तुम्हांस कळविणेत येते की, संदर्भ क्रं. १ च्या शासन पत्रानुसार शिक्षक संवर्गाच्याशिक्षक अभियोग्यता व बुध्दीमत्ता चाचणी परिक्षेच्या आधारे (पवित्र पोर्टलद्वारे) शिक्षक भरतीची प्रक्रिया अंतिम टप्प्यात आली असून सदर भरती प्रक्रियेतील शिक्षण सेवक यांना पदस्थापना देण्यापूर्वी शालेय शिक्षण विभागाकडील शासन निर्णय क्रं. संकिर्ण-२०२३/१७४/टिएनटि-१ दि.२१/०६/२०२३ अन्वये आवश्यक ती कार्यवाही करणे बाबत कळविलेले आहे.
उपरोक्त संदर्भ क्रं. ४ नुसार आपले कडील विहीत प्रपत्रातील माहिती यापुर्वी पार पडलेल्या जिल्हांतर्गत बदली प्रक्रिया सन 2023 कामी सादर केलेल्या माहिती प्रमाणे ENGLISH FONT मधून व देण्यात आलेल्या गुगल स्प्रेडशिटवर भरुन दि. ३१/०७/२०२४ पर्यंत प्रस्ताव सादर करण्यास कळविण्यात आले होते. त्यानुसार सातारा, कोरेगांव व पाटण या तालुक्यांचे प्रस्ताव प्राप्त आहेत. इतर तालुक्यांचे प्रस्ताव प्राप्त नसल्याने बदली प्रक्रियेची कार्यवाही करता येत नाही तरी उर्वरित सर्व तालुक्यांनी दि.१६/०८/२०२४ रोजी सकाळी १०.०० वाजेपर्यंत प्रस्ताव या कार्यालयाकडे सादर करावेत. तसेच स्प्रेडशिटमध्ये परिपूर्ण माहिती भरुन घ्यावी.
सर्व तालुक्यातील बदली कामकाज करणारे लिपीक/कर्मचारी/विस्तार अधिकारी यांनी दि. १६/०८/२०२४ रोजी सकाळी १०.०० वाजता शिक्षण विभाग प्राथमिक जिल्हा परिषद सातारा येथे बदली कामकाज करणेसाठी उपस्थित ठेवावे.
