शासकीय अधिकारी/कर्मचारी यांचे कार्यमूल्यमापन अहवाल लिहिण्याबाबतची कार्यवाही करणेबाबत work evaluation report
शासन परिपत्रक
शासकीय अधिकारी/कर्मचारी यांचे दरवर्षी कार्यमूल्यमापन अहवाल लिहिण्याबाबतची संपूर्ण कार्यवाही दिनांक ३१ डिसेंबर पर्यंत पूर्ण करण्यात यावी याबाबतची सूचना शासन परिपत्रक दिनांक १७ नोव्हेंबर, २०२२ च्या परिपत्रकान्वये देण्यात आल्या आहेत.
२. महापार हे संकेत स्थळ आतापर्यंत सर्व Internet वर उपलब्ध होत होते. तथापि, दिनांक १ ऑगस्ट, २०२४ पासून सदर संकेतस्थळ केवळ NICNet किंवा State Wide Area Network (SWAN-DIT) या Internet वर उपलब्ध आहे, अशा सूचना NIC, Data Centre, Delhi यांच्याकडून प्राप्त झाल्या आहेत. सदर सुविधा NIC केवळ WebVPN द्वारा उपलब्ध करुन देणार आहे. WebVPN ही सुविधा बहुतांशी अधिकारी/कर्मचारी यांना उपलब्ध झाली नसल्याने ३७% PAR महापार संगणक प्रणालीत अद्यापही प्रलंबित आहेत.
महापारमध्ये कार्यमूल्यमापन अहवाल भरताना येणाऱ्या तांत्रिक अडचणीमुळे [विशेषतः WebVPN ही सुविधा काही अधिकारी/कर्मचारी (Users of MahaPAR) यांना उपलब्ध झाली नसल्याने] कार्यमूल्यमापन अहवाल लिहिण्याबाबतची कार्यवाही पूर्ण करण्यासाठी १ महिन्याची म्हणजेच दिनांक ३१ जानेवारी, २०२५ पर्यंत मुदतवाढ देण्यात येत आहे. सदर मुदतवाढ अंतिम असेल.
