अनुसूचित जमाती प्रवर्गातील विद्यार्थ्यांचे सन २०१८-१९ ते २०२३-२४ या कालावधीतील शिष्यवृत्ती/फ्रिशीप योजनेंतर्गत प्रलंबित अर्ज निकाली काढण्याबाबत scolarship freeship application
महोदय,
उपरोक्त विषयाच्या अनुषंगाने खालील अटी व शर्तीच्या अधीन राहून ऑफलाईन शिष्यवृत्ती अर्ज शासनास सादर करण्याची दक्षता संबंधित प्रकल्प अधिकारी यांनी घेण्यात यावी.
१) ज्या विद्यार्थ्यांनी शिष्यवृत्तीकरिता अर्ज करताना आधार नोंदणी न केल्याने महाडिवीटी प्रणालीवर अर्ज नामंजूर (Auto Reject) झाले आहेत, अशा विद्यार्थ्यांना त्यांचे आधार प्रमाणपत्र सादर करुन ऑफलाईन अर्ज करता येईल.
२) ज्या विद्याध्यांनी ऑनलाईन अर्ज सादर केला होता परंतु काही तांत्रिक अडचणीमुळे महाडिबीटी प्रणालीवर महाडीबीटी एडमीन कडून अर्ज नामंजूर (Reject) झाले आहेत (उदा. Application is expired in the system since no action was taken) अशा विद्यार्थ्यांना ऑफलाईन अर्ज सादर करता येईल, तथापि, कोणत्या कारणांमुळे ऑनलाईन अर्ज रिजेक्ट झाला त्याची कारणमीमांस (याकरिता आवश्यकता असल्यास पोर्टलवरील दर्शविण्यात आलेल्या अर्ज स्थितीच्या स्क्रिनशॉटसा व त्याबाबतच्या पूर्ततेसह ऑफलाईन अर्ज सादर करणे आवश्यक राहील.)
३) सदर ऑफलाईन अर्ज सादर करताना महाडिवीटी प्रणालीवरील नामंजूर झालेल्या अर्जाच क्रमांक (Application ID) नमूद करणे आवश्यक आहे. सदर Application ID नमूद नसेल अवश अर्जाचा शिष्यवृत्ती मंजूरीकरिता विचार करण्यात येणार नाही.
४) ज्या विद्यार्थ्यांचे ऑनलाईन फॉर्म शासनाने वेळोवेळी निर्गमित केलेल्या निकषांमध्ये बसत नसल्यामुळे (उदा. उत्पन्न मर्यादा, जात पडताळणी प्रमाणपत्र इ) महाविद्यालय स्तरावरुन अथवा संबंधित प्रकल्प अधिकारी स्तरावरून नामंजूर (Project) झाले आहेत, अशा विद्यार्थ्यांना ऑफलाईन अर्ज सादर करता येणार नाहीत.
५) जे विद्यार्थी काही विशिष्ट कारणामुळे (विशिष्ट शैक्षणिक वर्षाकरिता महाविद्यालयाकडील शुल्क निकिती वेलेवर न झाल्याने व विद्याश्यांचे नियमित तसेच पुरवणी परीक्षाचे निकाल विहित वेळेत न लागल्यामुळे व इतर.. महाडिबीटी प्रणालीवर अर्ज भरू शकले नाहीत अथवा अर्जाची नोंदणी करुनही ज्यांचे अर्ज मंजूर होऊ शकले नाहीत, अशा विद्यार्थ्यांना कारणमीमांसासह ऑफलाईन अर्ज सादर करता येतील. तथापि, सदर प्रकरणी विद्यार्थ्यांनी नमूद केलेली कारणमीमांसा समर्पक असल्यासच शिष्यवृत्ती देय ठरणार आहे व याबाबतचा अंतिम निर्णय शासनाचा असणार आहे.
६) सदर ऑफलाईन अर्ज सादर करताना महाडिबीटी प्रणालीवर लागू असलेले सर्व निकष संबंधित विद्यार्थ्यांना लागू राहतील त्याचप्रमाणे आवश्यक ती सर्व कागदपत्रे नोंदविणे आवश्यक राहील. (उदा. उत्पन्न मर्यादा, जात पडताळणी प्रमाणपत्र, कैंप राऊंड प्रमाणपत्र ३)
७) ज्या अभ्यासक्रमाचे मॅपिंग त्या त्या शैक्षणिक वर्षात शिष्यवृत्ती/फ्रिशिपसाठी महाडिबीटी प्रणालीवर करण्यात आले आहेत, असेच अभ्यासक्रम शिष्यवृत्ती / फिशीपचे ऑफलाईन अर्जाकरिता लागू राहतील. महाडिबोटी प्रणालीवर त्या त्या शैक्षणिक वर्षात मॅपिंग न झालेल्या अभ्यासक्रमाची शिष्यवृत्ती/फ्रिशिपच्या ऑफलाईन पध्दतीने सादर केलेल्या अर्जाचा विचार केला जाणार नाही.
८) एकाच विद्यार्थ्यांचे ऑनलाईन व ऑफलाईन अर्ज सादर होणार नाहीत, याची दक्षता घ्यावी तसेच याप्रकरणी ऑनलाईन अर्ज भरताना स्वताचे प्रतिज्ञापत्र संबंधित विद्यार्थ्यांने द्यावे. सदर प्रकरणी दोन्ही प्रकारात विद्यार्थ्याने अर्ज सादर केलेला असल्याची बाब निष्पष्ण झाल्यास संबंधितांवर फौजदारी कारवाई करण्यात येईल.
९) सन २०१८-१९ ते २०२३-२४ या वर्षात ज्या विद्याथ्यांना महाडिबीटी प्रणालीवर नोंदणीकृत अर्जाची मंजुरी करण्यास अडचणी आल्या आहेत, अशा विद्याथ्यांनी ऑफलाईन अर्ज सादर करून त्यांना शिष्यवृत्ती देण्यामागे केवळ होतकरु व गुणवंत विद्यार्थ्यांचे शैक्षणिक नुकसान होऊ नये असा मुख्य उद्देश आहे. त्यामुळे उपरोक्तप्रमाणे विद्याथ्यांनी महाविद्यालयामार्फत संबंधित प्रकल्प अधिकारी यांचेकडे शिष्यवृत्ती / फ्रिशिप करिता ऑफलाईन अर्ज सादर करण्याची मुदत दि.३१.०१.२०२५ पर्यंत असेल.
१०) दि.३१.०१.२०२५ नंतर येणाऱ्या कोणत्याही अर्जाना शासनाकडून मंजूरी देण्यात येणार नाही, याची सर्व संबंधितांनी नोंद घ्यावी.
११) संबंधित प्रकल्प अधिकारी यांनी अर्जाची तपासणी करुन आवश्यक कागदपत्रांसह प्रस्ताव शासनास सादर करण्याची मुदत दि. २८.०२.२०२५ पर्यंत असेल.
१२) ऑफलाईन मान्यतेकरिता प्राप्त होणाऱ्या अर्जाचे प्रकरणी ऑनलाईन शिष्यवृत्ती/फ्रिशिप देण्यात आलेली नाही याची खातरजमा संबंधित महाविद्यालयाचे प्राचार्य तसेच संबंधित प्रकल्प अधिकारी यांनी करुन घेणे आवश्यक राहील. शिष्यवृत्ती /फ्रिशिप दुबार अदा करण्यात आल्याचे निदर्शनास
आल्यास त्याची सर्वस्वी जबाबदारी संबंधित महाविद्यालयाचे प्राचार्य तसेच संबंधित प्रकल्प अधिकारी यांची राहील.
१३) अश्या प्रकारे विद्यार्थ्यांकडून प्राप्त होणाऱ्या सन २०१८-१९ ते २०२३-२४ या वर्षातील शिष्यवृत्तीचे ऑफलाईन अर्जाची छाननी करून संबंधित प्रकल्प अधिकारी यांनी सदरचे अर्ज विहित्त अटी व शर्तीच्या पुर्ततेसह दि.२८.०२.२०२५ पर्यंत शासनाच्या वित्त विभागाने विहीत केलेल्या अन्वेषण प्रकियेचा अवलंब करून शासन मान्यतेकरिता सादर करण्याची दक्षता घ्यावी. सदर माहिती सोबत जोडलेल्या प्रपत्रांमध्ये शासनास सादर करावी.
