जिल्हा परिषदांच्या क्रीडा स्पर्धा विभागीय व राज्यस्तरावर सुरु करण्यासाठी क्रीडा समिती गठित करणेबाबत krida spardha shasan nirnay
जिल्हा परिषदांच्या क्रीडा स्पर्धा विभागीय व राज्यस्तरावर सुरु करणे या मागणीच्या अनुषंगाने तपासणी व अभ्यास करून अहवाल सादर करण्यासाठी क्रीडा समिती गठित करणेबाबत.
वाचा :-मा.मंत्री (ग्रामविकास व पंचायत राज), यांच्या अध्यक्षतेखालील दिनांक १४.०२.२०२५
ग्रामविकास, विभागाच्या विविध विषयांबाबत मा. मंत्री (ग्रामविकास व पंचायत राज), यांच्या अध्यक्षतेखाली दिनांक १४.०२.२०२५ रोजी आयोजित बैठकीत जिल्हा परिषद क्रीडा स्पर्धा विभागीय व राज्यस्तरावर सुरु करण्यासाठी अभ्यास करुन अहवाल सादर करण्यासाठी वाचा येथील इतिवृत्तान्वये दिलेल्या निर्देशास अनुसरून, या मागणीच्या अनुषंगाने तपासणी व अभ्यास करून अहवाल सादर करण्यासाठी क्रीडा समिती गठीत करण्याची बाब शासनाच्या विचाराधीन होती.
उपरोक्त प्रस्तावनेस अनुसरुन जिल्हा परिषद क्रीडा स्पर्धा विभागीय व राज्यस्तरावर सुरु करण्यासाठी तपासणी व अभ्यास करुन अहवाल सादर करण्यासाठी खालील प्रमाणे क्रीडा समिती गठीत करण्यात येत आहे.
सदर समितीच्या अध्यक्षांना आवश्यकतेनुसार विभागीय/जिल्हास्तरावरील क्षेत्रिय कार्यालयातील
अधिकारी यांना बैठकीस आमंत्रित करता येईल.
२. क्रीडा समितीची कार्यकक्षा सदर समितीची कार्यकक्षा पुढीलप्रमाणे आहे.-
१. जिल्हा परिषद क्रीडा स्पर्धा विभागीय व राज्यस्तरावर सुरु करण्यासाठी आवश्यकता व त्याची कारणमीमांसा स्पष्ट करणे,
२. समितीने धोरण ठरवितांना शासनाच्या इतर विभागांतर्गत चालणाऱ्या (उदा. महसुल विभाग व गृह विभाग) यांच्या क्रीडा स्पर्धाविषयी माहिती घेवून स्पर्धा कशा असाव्यात, त्याची रुपरेषा ठरवावी.
३. विभागीय व राज्यस्तरावर कोणत्या प्रकारच्या क्रीडा स्पर्धा असाव्यात याबाबत रुपरेषा ठरविणे.
४. क्रीडा स्पर्धाकरीता आवश्यक निधीची उपलब्धतता कशाप्रकारे करता येईल याबाबत सविस्तर अहवाल देणे.
५. समितीने उपरोक्त कार्यकक्षेच्या अनुषंगाने तपासणी व अभ्यास करून तीन महिन्यांच्या मुदतीमध्ये शासनास अहवाल सादर करावा,
३. सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक २०२५०४१११४४४१५८६२० असा आहे. हा शासन निर्णय डिजीटल स्वाक्षरीने साक्षांकित करुन काढण्यात येत आहे.
महाराष्ट्राचे राज्यपाल यांच्या आदेशानुसार व नावाने,
