एलिमेंटरी ड्रॉईंग ग्रेड परीक्षा सुधारीत वेळापत्रक (चित्रकला परीक्षा) या तारखेला होणार परीक्षा elementary exam timetable
महाराष्ट्र राज्यामध्ये विविध ठिकाणी होत असलेल्या अतिवृष्टीमुळे शाळेतील विद्यार्थ्यांची सुरक्षितता लक्षात घेता शासनाने/स्थानिक प्रशासनाने ज्या ज्या जिल्ह्यातील शाळांना दिनांक २६ सप्टेंबर, २०२४ रोजी सुट्टी जाहीर केली आहे. त्या त्या जिल्ह्यातील दिनांक २६ सप्टेंबर, २०२४ रोजी होणाऱ्या एलिमेंट्री ड्रॉईंग ग्रेड परीक्षेचे दोन्ही पेपर रद्द करुन उर्वरीत जिल्ह्यातील परीक्षा केंद्रावर वेळापत्रकानुसार परीक्षा आयोजन करण्यात आले आहे. तसेच शासकीय रेखाकला (इंटरमिजिएट ड्रॉईंग ग्रेड) परीक्षेच्या वेळापत्रकामध्ये कोणताही बदल झाला नसल्यामुळे सदर परीक्षा नियमीत वेळापत्रकानुसार आयोजित करण्यात याव्यात.
शासकीय रेखाकला (एलिमेंटरी ड्रॉईंग ग्रेड) परीक्षेचे दोन पेपर ज्या जिल्ह्यामध्ये अतिवृष्टीमुळे शाळांना सुट्टी जाहीर केली असल्याने घेता आलेले नाही. अशा संबंधित (मुंबई, मुंबई उपनगर, ठाणे, पालघर व पुणे) जिल्ह्यामध्ये सदर परीक्षा रविवार दिनांक २९.०९.२०२४ रोजी घेण्यात यावी. या प्रकारच्या सूचना सर्व संबंधित विद्यार्थी/पालक/सहभागी शाळांना आपल्या स्तरावरुन देण्यात यावे. सुधारीत वेळापत्रकाचा तपशील खालील प्रमाणे,
एलिमेंटरी ड्रॉईंग ग्रेड परीक्षा सुधारीत वेळापत्रक
वरील सुधारीत वेळापत्रकानुसार शासकीय रेखाकला (एलिमेंटरी ड्रॉईंग ग्रेड) परीक्षा आयोजन करताना दिनांक २६.०९.२०२४ रोजी संकल्पचित्र-नक्षीकाम (Design) व कर्तव्यभूमिती व अक्षरलेखन (Plane Geometry & Lettering) च्या प्रश्नपत्रिकांचा वापर दिनांक २९.०९.२०२४ रोजी होणाऱ्या परीक्षांकरिता केला जाणार नाही याची दक्षता घेण्यात यावी. असे निदर्शनास आल्यास अशा विद्यार्थ्यांच्या उत्तरपत्रिका रद्द समजण्यात येतील व याबाबतीत सर्वस्वी जबाबदारी केंद्रप्रमुखाची राहील याची नोंद घेण्यात यावी.
