सर्वसाधारण नोंदवहीतील (जनरल रजिस्टर) नोंदवलेली जन्मदिनांक, नाव आडनाव, जात इत्यादी बदल किंवा दुरुस्ती करण्याबाबत change name birth date
माध्यमिक शाळा संहिता नियम २६.४ नुसार सर्वसाधारण नोंदवहीतील (जनरल रजिस्टर) नोंदवलेली जन्मदिनांक, नांव आडनाव, जात-पोटजात इत्यादी बदल किंवा दुरुस्ती करण्याबाबत शाळेत शिकत असलेल्या विद्यार्थ्याकडुन किंवा त्याच्या वतीने (पालकांकडून) आलेल्या अर्जाचा विचार करण्यात येईल. ज्या विद्यार्थ्याने शाळा सोडली आहे. त्याच्या किंवा त्याच्या वतीने केलेल्या अजर्जाचा विचार करण्यात येणार नाही.
जन्मदिनाक बदल करणे बाबत खालील कागदपत्राची आवश्यकता आहे.
१. माध्यमिक शाळा संहिता मधील नमुना २ विहित नमुन्यातील अर्ज (मुख्याध्यापक यांनी स्पष्ट शिफारस करावी.)
२. जन्म नोंदवहीतील प्रमाणित उतारा
३. लस टोचणी प्रमाणपत्राची प्रमाणित प्रत
४. खिश्चनांच्या बाबतीत बाप्तिस्मा प्रमाणपत्राची प्रत
