उपरोक्त संदर्भाधीन दि.०४.०२.२०२२ रोजीच्या शासन निर्णयान्वये शासकीय सेवा डिजिटल करण्यासाठी दिनांक २३.१२.२०२१ रोजीच्या मंत्रीमंडळ बैठकीत दिलेल्या मान्यतेस अनुसरुन ‘महाराष्ट्र युनिफाईड सीटीझन डाटा हब’ (MH-UCDH) ची अंमलबजावणी करण्याकरिता प्रशासकीय मान्यता प्रदान करण्यात आलेली आहे. सदर प्रकल्प यशस्वीपणे विहित कालावधीत राबविण्यासाठी तसेच, सदर प्रकल्पाचे नियोजन, समन्वयन व संनियंत्रण करण्याकरिता ‘प्रकल्प सुकाणू समिती’ (Project Steering Committee) आणि ‘प्रकल्प संनियंत्रण समिती’ (Project Monitoring Committee) ची स्थापना करण्याबाबत दि. ३०.०४.२०२४ रोजी मुख्य सचिव यांचे अध्यक्षतेखाली झालेल्या बैठकीत मान्यता देण्यात आलेली आहे.
त्यानुषंगाने ‘महाराष्ट्र युनिफाईड सीटीझन डाटा हब’ (MH-UCDH) साठी ‘प्रकल्प सुकाणू समिती’ (Project Steering Committee) आणि ‘प्रकल्प संनियंत्रण समिती’ (Project Monitoring Committee) स्थापन करण्याची बाब शासनाच्या विचाराधीन होती. याबाबत शासनाने खालीलप्रमाणे निर्णय घेतला आहे :-
शासकीय सेवा डिजिटल करण्यासाठी अंमलबजावणी करण्यात येणाऱ्या महाराष्ट्र युनिफाईड सीटीझन डाटा हब’ या प्रकल्पाचे नियोजन, समन्वयन व संनियंत्रण करण्याकरिता राज्यस्तरावर व विभागस्तरावर खालीलप्रमाणे समित्यांची स्थापना करण्यास या शासन निर्णयाद्वारे मान्यता देण्यात येत आहे.
अ) प्रकल्प सुकाणू समिती (Project Steering Committee)
मुख्य सचिव यांच्या अध्यक्षतेखाली स्थापना करण्यात येणाऱ्या राज्यस्तरीय सुकाणू समितीची रचना
