व्यवस्थापनांसाठी सूचना स्थानिक स्वराज्य संस्था व खाजगी शैक्षणिक संस्थांमधील रिक्त पदे भरण्यासाठी पवित्र पोर्टलवरील जाहिरातविषयक सूचना
१. शिक्षक अभियोग्यता व बुद्धिमत्ता चाचणी-२०२२ ही दिनांक २२/०२/२०२३ ते दिनांक ३/३/२०२३ या कालावधीमध्ये ऑनलाईन पद्धतीने घेण्यात आलेली आहे. सदर चाचणीस २.३९.७३० उमेदवारांनी नोंदणी केली होती, त्यांपैकी २.१६.४४३ उमेदवार प्रत्यक्ष चाचणीस उपस्थित होते.
२. पोर्टलवर नोंद केलेल्या उमेदवारांमधून पात्र उमेदवारांच्या नियुक्तीच्या शिफारशींसाठी संबंधित व्यवस्थापनांकडून पोर्टलवर माध्यमनिहाय, आरक्षणनिहाय व विषयनिहाय रिक्त
पदांसाठी जाहिराती देणे आवश्यक आहे.
३. रिक्त पदांच्या जाहिरातींसाठी संबंधित व्यवस्थापनाने “पवित्र पोर्टल” वर पहिल्या टप्प्यामध्ये नोंदणी केली असल्यास त्यांना यापूर्वी नोंदणी केलेला user id password वापरून लॉगिन करता येईल. नव्याने नोंदणी करू इच्छिणाऱ्या व्यवस्थापनास पवित्र पोर्टलवर नोंदणी करणे आवश्यक आहे. यासाठी सरल प्रणालीतील user id हाच या पोर्टलचा user id असेल. व्यवस्थापनास forgot password यावर क्लिक केल्यानंतर option for reset password मध्ये using onetime password (otp) sent via sms खाली व्यवस्थापनाचा सरल पोर्टलचा user Id नोंद करावा. त्यानंतर मोबाईल क्रमांक नोंद करावा व captcha टाकून proceed वर क्लिक केल्यानंतर मोबाईलवर otp येईल, आलेला otp नोंद करून verify वर क्लिक करावे. त्यानंतर reset password मध्ये new password/confirm new password नमूद करून captcha टाकून change password वर क्लिक करावे, त्यानंतर नव्याने reset केलेला password टाकून लॉगीन करता येईल.
पवित्र पोर्टलसाठी सरल पोर्टलवर नोंद असलेला व्यवस्थापनाचा मोबाईल क्रमांक विचारात घेण्यात आलेला आहे. पूर्वीचा सरल पोर्टलवरील नोंद असलेला मोबाईल क्रमांक जुळत नसल्याने password reset होत नसल्यास खाजगी व्यवस्थापनाने त्यांच्याशी
संबंधित शिक्षणाधिकारी यांच्या कार्यालयात जाऊन त्यांच्या लॉगीनवरून मोबाईल क्रमांकात बदल करून नव्याने password reset करता येईल.
४. व्यवस्थापनास जाहिरात देण्यापूर्वी त्यांच्या व्यवस्थापनाच्या बिंदुनामावलीची तपासणी संस्थेच्या मुख्यालयाशी संबंधित विभागाच्या सहायक आयुक्त, (मावक), मा. विभागीय आयुक्त कार्यालय यांचेकडून अद्ययावत करून प्रमाणित केलेली असणे आवश्यक आहे.
५. पूर्वी प्रमाणित केलेल्या बिंदुनामावालीमध्ये SEBC या प्रवर्गाच्या आरक्षणामुळे बदल झाल्यामुळे व्यवस्थापनास बिंदुनामावली अद्ययावत करून दिनांक २७/२/२०२४ नंतर प्रमाणित केलेली असणे आवश्यक आहे.
६. पवित्र पोर्टलवर जाहिरात देण्यासाठीच्या कार्यपद्धतीचा शासन निर्णय दिनांक ७/२/२०१९ सोबतच्या परिशिष्ट-अ मध्ये देण्यात आला आहे. या शासन निर्णयामध्ये सक्षम प्राधिकारी नमूद करण्यात आलेले आहेत. त्यामध्ये बिंदुनामावली भरणारे प्राधिकारी, तपासणारे व जाहिरातीस मान्यता देणारे प्राधिकारी निश्चित करण्यात आलेले आहेत. त्यानुसार संबंधितांना लॉगीनची सुविधा उपलब्ध करून देण्यात आलेली आहे.
बिंदुनामावली व विषयनिहाय रिक्त पदांची नोंद करणारे व मान्यता देणारे सक्षम प्राधिकारी खालील प्रमाणे आहेत.
७. व्यवस्थापनाकडे एकापेक्षा जास्त माध्यमांच्या शाळा असल्यास बिंदुनामावलीची माध्यमनिहाय माहिती नोंद करावी.
८. रिक्त पदांची मागणी नोंदविताना सन २०२२-२३ च्या संचमान्यतेनुसार रिक्त असणाऱ्या पदांची नोंद करावी. तथापि, सन २०२३-२४ मध्ये शिक्षक पद कमी झाल्यास व भविष्यात कमी होण्याची शक्यता असल्यास अशा पदांसाठी मागणी नोंदवू नये.
९. रिक्त पदांपैकी एखाद्या/काही पदांबाबत मा. न्यायालयात प्रकरण प्रलंबित असल्यास अथवा अन्य उचित कारणाने अशी पदे भरणे शक्य नसल्यास सदर पदे वगळून बिंदुनामावलीतील आरक्षण व रिक्त विषयानुसार मागणी नोंदवावी.
१०. रिक्त पदांची मागणी करताना शालेय शिक्षण विभाग, शासन निर्णय क्रमांक संकीर्ण- २०२३/प्र.क्र.१७४/टीएनटी-१ दिनांक २१/०६/२०२३ मधील तरतुदींनुसार रिक्त पदांच्या ८० टक्केच्या मर्यादेत मागणी नोंद करावी.
११. इ १ ली ते इ ५ वी / इ६ वी ते इ८ वी / इ९ वी ते इ १० वी /इ ११ वी ते इ १२ वी / अध्यापक विद्यालये या गटातील रिक्त पदांसाठी व्यवस्थापनास जाहिरात देता येईल.
१२. अध्यापनाच्या विषयांची जाहिरात देताना शालेय शिक्षण विभाग, शासन निर्णय दिनांक ७/२/२०१९, २५/०२/२०१९, १२/०६/२०१९, १३/१०/२०२३ व इतर अनुषंगिक तरतुदींनुसार कार्यवाही करावी.
१३. इ. ६ वी ते इ. ८ वी या गटातील भाषा, गणित-विज्ञान, गणित, विज्ञान, सामाजिक शास्त्रे या प्रमाणे अध्यापनाच्या विषयांसाठी मागणी करता येईल.
अ) फक्त “गणित” विषय शिकविण्यासाठी शिक्षक पाहिजे असल्यास “गणित” असा विषय निवडावा.
आ) फक्त “विज्ञान” विषय शिकविण्यासाठी शिक्षक पाहिजे असल्यास “विज्ञान” असा विषय निवडावा.
इ) “गणित- विज्ञान” हे दोन्ही विषय शिकविण्यासाठी एकच शिक्षक पाहिजे असल्यास “गणित-विज्ञान” असा विषय निवडावा.
१४. इ. ९ वी ते इ. १० वी या गटातील भाषा विषय, गणित, विज्ञान, गणित विज्ञान, सामाजिक शास्त्र, इतिहास, भूगोल, शारीरिक शिक्षण, संरक्षण शास्त्र या विषयांसाठी मागणी करता येईल.
१. फक्त “गणित” विषय शिकविण्यासाठी शिक्षक पाहिजे असल्यास “गणित” असा विषय निवडावा.
२. फक्त “विज्ञान” विषय शिकविण्यासाठी शिक्षक पाहिजे असल्यास “विज्ञान” असा विषय निवडावा.
३. “गणित विज्ञान” हे दोन्ही विषय शिकविण्यासाठी एकच शिक्षक पाहिजे असल्यास “गणित- विज्ञान” असा विषय निवडावा.
४. इतिहास, भूगोल इत्यादी सामाजिक शास्त्रातील सर्व विषय शिकविण्यासाठी एकच शिक्षक पाहिजे असल्यास “सामाजिक शास्त्र” असा विषय निवडावा.
५. फक्त “इतिहास” विषय शिकविण्यासाठी शिक्षक पाहिजे असल्यास “इतिहास” असा विषय निवडावा.
६. फक्त “भूगोल” विषय शिकविण्यासाठी शिक्षक पाहिजे असल्यास असा “भूगोल” विषय निवडावा.
७. “शारीरिक शिक्षण” या विषयाचा पूर्णवेळ कार्यभार उपलब्ध होत असल्यास “शारीरिक शिक्षण असा विषय निवडावा,
१५ इ. ११ वी ते इ. १२ वी या गटातील विषयासाठी उच्च माध्यमिक / कनिष्ठ महाविद्यालयाच्या संच मान्यतेमध्ये मंजूर असलेल्या पदांपैकी रिक्त असलेल्या पदांची मागणी नोंद करता येईल.
१६. शासन निर्णय दिनांक १३/१०/२०२३ मधील तरतुदींनुसार उच्च माध्यमिक / कनिष्ठ महाविद्यालयाच्या अर्धवेळ व दोन विषयांतील कार्यभारामुळे पूर्णवेळ मंजूर असलेली रिक्त पदे नोंद करता येतील.
१७. अध्यापक विद्यालयातील पूर्णवेळ मंजूर असलेली रिक्त पदांच्या मागणीची नोंद करता येईल.
१८. जाहिरातींसाठी बिंदुनामावलीची माहिती भरल्यानंतर ती तपासून मान्य केल्यानंतरच विषयाचा गट व विषयाची माहिती नोंद करता येते व त्यानंतर विषयाची माहिती तपासून मान्य केल्यानंतरच जाहिरात तयार करता येईल.
१९. जाहिरात जनरेट होण्यासाठी बिंदुनामावली व विषय या दोन्ही प्रकारची माहिती संबंधित सक्षम प्राधिकारी यांच्याकडून मान्य (approve) करून घेणे आवश्यक आहे.
२०. जाहिरात जनरेट करण्याची सुविधा ही माहिती भरणाऱ्या प्राधिकारी यांच्या लॉगीनवर उपलब्ध आहे.
२१. पोर्टलवर जाहिरात जनरेट झाल्यानंतर शासन निर्णय दिनांक ०७/०२/२०१९ मधील तरतुदींनुसार सदर जाहिरात वर्तमानपत्रांमध्ये प्रसिद्ध करावी.
२२. जाहिरात तयार करण्यासाठी पोर्टलवर Guidelines/Instruction टॅब अंतर्गत Flow Mechanism/User Manual उपलब्ध करून देण्यात आले आहेत, त्यानुसार कार्यवाही करावी
