शिवछत्रपती राज्य क्रीडा पुरस्कार सन २०२३-२४ खेळाडू, मार्गदर्शक, दिव्यांग खेळाडू यांनी अर्ज सादर करणेबाबत shivchatrapati krida puraskar
शिवछत्रपती राज्य क्रीडा पुरस्कार सन २०२३-२४ खेळाडू, मार्गदर्शक, दिव्यांग खेळाडू यांना अर्ज सादर करणेकरिता अवगत करणेबाबत……
संदर्भ : १) शालेय शिक्षण व क्रीडा विभाग, शासन निर्णय क्र. शिछपु-२०२३/प्र.क्र. १८८ / क्रीयुसे-२, दि.२९ डिसेंबर, २०२३ अन्वये.
२) शालेय शिक्षण व क्रीडा विभाग, शासन निर्णय क्र. शिछपु-२०२३/प्र.क्र. १८८/क्रीयुसे-२, दि.२५ जानेवारी, २०२४ अन्वये.
३) शालेय शिक्षण व क्रीडा विभाग, शासन निर्णय क्र. शिछपु-२०२०/प्र.क्र.९३/ क्रीयुसे-२, दि. २ मार्च, २०२३ अन्वये.
४) शासनाचे क्र.: संकीर्ण-१७२५/प्र.क्र.०२/क्रीयुसे-२ दि. ९ जानेवारी, २०२५ रोजीचे पत्र.
उपरोक्त संदर्भाकित विषयान्वये कळविण्यात येते की, क्रीडा क्षेत्रात विशेष उल्लेखनीय कार्य करणा-या ज्येष्ठ क्रीडा महर्षिकरीता जीवन गौरव पुरस्कार, क्रीडामार्गदर्शकांकरिता उत्कृष्ट क्रीडा मार्गदर्शक/जिजामाता राज्य क्रीडा पुरस्कार (महिला क्रीडा मार्गदर्शक), शिवछत्रपती राज्य क्रीडा पुरस्कार (खेळाडू), शिवछत्रपती राज्य क्रीडा पुरस्कार (साहसी उपक्रम), शिवछत्रपती राज्य क्रीडा पुरस्कार (दिव्यांग खेळाडू) असे पुरस्कार प्रदान करण्यात येतात.
शासन निर्णय दि. २९ डिसेंबर, २०२३ अन्वये व शासन निर्णय दि. २५ जानेवारी, २०२४ नुसार शिवछत्रपती राज्य क्रीडा पुरस्कार सुधारीत नियमावली, २०२३ विहीत केली आहे. या नियमावलीनुसार सन २०२३-२४ या वर्षाच्या पुरस्कारासाठी राज्यातील क्रीडा मार्गदर्शक, खेळाडू, दिव्यांग खेळाडू व साहसी उपक्रमात सहभागी झालेले खेळाडू/व्यक्ती यांच्याद्वारा दि. १४ जानेवारी ते २६ जानेवारी, २०२५ या कालावधीत ऑनलाईन पद्धतीने अर्ज मागविण्यात येत आहेत.
अर्ज सादर करणा-या इच्छूक क्रीडा मार्गदर्शक, खेळाडू, साहसी उपक्रम व दिव्यांग खेळाडू यांनी विहीत मुदतीत क्रीडा विभागाच्या https://sports.maharashtra.gov.in संकेतस्थळावर स्क्रोलिंग लिंक (Scrolling Link) मध्ये उपलब्ध करून दिलेल्या लिंकवर दि. १४ जानेवारी ते २६ जानेवारी, २०२५ या कालावधीत व दि. २६ जानेवारी, २०२५ रोजी रात्री १२:०० वाजेपर्यंत फक्त ऑनलाईन अर्ज सादर करण्यात यावेत. (टीपणी मा. आयुक्त महोदय यांच्या मान्यतेने)
