मुंबई : पुढारी वृत्तसेवा राज्यात १ मे २०२४ रोजी पासून जन्मलेल्या मुलांच्या नावमध्ये आता वडिलांच्या अगोदर आईचे नाव जोडले जाणार आहे. राज्याच्या महिला व बालकल्याण विभागाच्या निर्णयाला राज्याच्या मंत्रिमंडळाने मंजूरी दिली आहे. त्यानुसार यापुढे सरकारी कागदपत्रांवर वडिलांच्या नावाअगोदर आईचेही नाव लिहीणे बंधनकारक करण्यात आले आहे.
जागतिक महिला दिनाच्या निमित्ताने जाहीर करण्यात आलेल्या राज्याच्या चौथ्या महिला धोरणात शासकीय अधिकृत कागदपत्रांमध्ये आईचे नाव लिहिणे बंधनकारक करण्याचा निर्णय घेण्यात आला आहे.
