10th लेखाशिर्ष-२२०२३०५६ या योजनेअंतर्गत प्रस्ताव सादर करण्याची व अनुदान मागणीची कार्यपध्दती.
शालेय शिक्षण विभाग शासन निर्णय क्रमांक एफईडी/१०९६/प्र.क्र.१९७८/९६/साशि-५ दिनांक १३ जून १९९६ अन्वये १९९६-९७ पासून शासनमान्य अनुदानित व विनाअनुदानित शाळांमधील इयत्ता १ ली ते १० वी मध्ये शिक्षण घेणा-या सर्व विद्यार्थ्यांना मोफत शिक्षण योजना लागू करण्यात आली आहे. किमान १५ वर्ष महाराष्ट्रात वास्तव्य असणा-या पालकांच्या पाल्यांना ही सवलत मिळू शकते.. या सवलतीसाठी ७५ टक्के उपस्थिती व चांगली वर्तणुक असणे आवश्यक असून अनुत्तीर्ण होणा-या विद्यार्थ्यांना सदरची सवलत त्या वर्षापुरती रोखण्यात येईल. मात्र तो विद्यार्थी उत्तीर्ण होताच ही सवलत पुढील वर्षात पूर्ववत चालू होत असते.
इयत्ता १० वी पर्यंत सर्वांना मोफत शिक्षण लेखाशिर्ष-२२०२३०५६ या शैक्षणिक यवलत योजनेचा लाभ हा लाभार्थ्यां पर्यंत पोहोचविण्याच्या दृष्टीने व सदर योजनेबाबत संपूर्ण राज्यात एकसुत्रि पणा रहावा या करीता या योजनेबाबतची लाभार्थ्यांपासून ते संचालनायपर्यंतची करावयाची कार्यवाही/कार्यपध्दती खालीलप्रमाणे विहित नमुन्यात सादर करण्यात येत आहे.
सोबतः-
१) सदर शैक्षणिक सवलत योजनेचा लाभ मिळण्यासाठी पालकांनी मुख्याध्यापक/प्राचार्य यांचेकडे करावयाच्या अर्जाचा नमूना प्रपत्र-१
२) शिक्षण संस्थेच्या प्रमुखांनी /मुख्याध्यापक/प्राचार्य यांनी भरावयाचा नमूनाः प्रपत्र-२
३) शाळा/कनिष्ठ महाविद्यालयांच्या मुख्याध्यापक/प्राचार्य यांनी संबंधित जिल्हयाचे शिक्षणाधिकारी (योजना) यांचे कार्यालयात सादर करावयाचा मागणीचा नमूना प्रपत्रः-३
४) मुख्याध्यापक/प्राचार्य यांनी शिक्षणाधिकारी (योजना) जि.प. यांचेकडे सादर करावयाचा बिल फॉर्म नमूना प्रपत्र-४
५) राज्यातील अशासकीय माध्यमिक शाळांतील, उच्च माध्यमिक स्तरावरील शिक्षक व शिक्षकेतर कर्मचाऱ्यांच्या पाल्यांना तसेच शासकीय अध्यापक महाविद्यलयातील कर्मचाऱ्यांच्या पाल्यांना शिक्षण सर्व स्तरावर (इ. १ ली ते पदव्युतर स्तर) विहित दराने अर्थसहाय. २) प्राथमिक शिक्षकांच्या मुलांना सर्व स्तरावर (इ. १ ली ते पदव्युतर स्तर) विहित दराने अर्थसहाय, फ्लो चार्ट (कार्यपध्दती) प्रपत्र-५
६) शिक्षणाधिकारी (योजना) जि.प. यांनी चारमाही अंदाजपत्रकावेळी अनुदान मागणी सादर करावयाचे नमूने
