दिनांक 08 जुलै 2024 रोजीच्या सकल मराठा समाजाच्या वतीने आयोजित रॅलीमुळे नांदेड शहरासाठी एकदिवसाची सुट्टी घोषित करणेबाबत sakal maratha samaj rali
संदर्भ :- 1. मा. जिल्हाधिकारी तथा जिल्हादंडाधिकारी, नांदेड यांचे आदेश दिनांक 07 जुलै 2024
2. मा. पोलीस अधीक्षक, नांदेड यांची अधिसूचना क्रमांक 6319 दिनांक 06 जुलै 2024
वरील संदर्भीय विषयांन्वये नांदेड शहरातील सर्व माध्यम व व्यवस्थापनाच्या प्राथमिक, माध्यमिक व उच्च माध्यमिक शाळा मुख्याध्यापक यांना सुचित करण्यात येते की, दिनांक 08 जुलै 2024 रोजी नांदेड शहरात सकल मराठा समाजाच्या वतीने रॅलीचे आयोजन करण्यात आले आहे. त्यामुळे शहरातील मुख्य रस्त्यावर मोठ्या प्रमाणात वाहने व गर्दी होणार आहे. त्यामुळे नांदेड शहरातील सर्व रस्ते उद्या सकाळी 10 ते सायंकाळी 06 पर्यंत बंद आहेत अशी अधिसूचना संदर्भ (2) अन्वये मा. पोलीस अधीक्षक, नांदेड यांनी दिली आहे. सदर अधिसूचनेच्या पार्श्वभूमीवर मा. जिल्हाधिकारी तथा जिल्हादंडाधिकारी, नांदेड यांनी दिलेल्या निर्देशानुसार नांदेड शहरातील सर्व माध्यम व व्यवस्थापनाच्या प्राथमिक ते उच्च माध्यमिक शाळांना दिनांक 08 जुलै 2024 रोज सोमवार एक दिवसाची सुट्टी जाहीर करण्यात येत आहे.
तसेच याद्वारे कळविण्यात येते की, दिनांक 08 जुलै 2024 सुट्टीच्या दिवशीच्या तासिका पाठ्यक्रम पुढील येणाऱ्या लगतच्या दोन अर्धवेळ कार्यदिनाच्या दिवशी पूर्णवेळ शाळा घेऊन सदर सुट्टीच्या दिवशीच्या तासिका पाठ्यक्रम पूर्ण करून घ्यावा. सदर सुट्टी ही केवळ नांदेड शहरातील शाळांनाच लागू आहे याची सर्वांनी नोंद घ्यावी
